أمين الحران

شعرك كايتباع ب 1000$ كيفاش تبيع شعرك وتربح فلوس

12/02/2017

كلنا كانعرفو انه نقدرو نشريو اي حاجة بالفلوس الا الوقت لي ماكايتباعش و لي يقدر تلقاه للبيع فالاسواق الالكترونية ولي كاتخليك كاتحير وكاتقول واشمعقول هادشي كاين كالبيع والشراء فأعضاء البشر ولا بيع الاطفال و الفيديويات للقتل والذبح فقط من اجل المتعة لبعض المختلين او نسميوهوم مهووسين وهادشي كلو كايكون فمعضم الاحيان فالدارك ويب او الدارك نيت هاد الانترنيت المظلم لي كادخليه بواسطة طور المتصفح المخصص لذلك

ولكن الغريب فالامر انه في الانترنيت المتاح لقيت اغرب حاجة تقدر تجيني على بالي هي البيع والشراء في الشعر غادي تقولي اه عادي موجود فالاسواق كايتباع الشر المستعار وهادي حاجة عادية غادي نقول ليك ماشي هادشي علاش كتبت هاد الموضوع انا كانهضر على بيع وشراء في شعر حقيقي ادمي خالص و بأثمنة باهضة اه اسيدي تقدر تكبر شعرك وفالتالي تقصو وتبيعو وتربح فلوس وهادشي اونلاين وماتحتاجش ديرلو تسويق الشاري غادي يجي تا ليديك

شحال من واحد فينا كبر الشعر تا وصل لواحد الحد لي طويل بزاف ولظروف ما اما عمل لي مايقبلوهش بالشعر او حالة مرضية ولا باش يرضي مالين الدار وكايقصو وكاتكون النهاية ديالو هي القمامة ديال حلاق الحي ولكن كون عرفتي انه شعرك يقدر يوفرليك صفقة كاتبدا من 100 $ حتى ل 1000 $ على حساب طول الشعر والجودة ديالو وكاين معايير اخرى ديك الناس مختصين فهاد المجال وكايعيرو بيها ثمن الشعر كشعر البتول مثلا كايكون كايتباع بأغلى سعر ماعرفتش علاش تقدرو تبحتو على هاد المعلومة نتوما راسكوم

ملي قلبت لقيت بزاف ديال المواقع كادير التجارة فهاد الميدان و لقيت موقعين هوما ليبانولي مكلاسيين مزيان بالنسبة لنسبة البحث وحتى لكمية الصفقات لي كاتم فيهم لي غادي نخليلكوم الرابط ديالوم اسفل هاد المقال

عندك الشعر طويل باغي تحيدو ماتلوحوش ربح فيه فلوس وخليه يعيش فمكان اخر ويتسارا العالم ماعرفتي شعرك يوصل للصين ونتا هنايا جالس فالدرب فالمغرب ههه

الهدف ديالي من هاد المواضيع ليكاتكتب فهاد المدونة هو نكتب ونشارك اي حاجة مع الزوار القلال لي كايدخلو لا عن طريق فيسبوك ولا انستغرام وندير الهواية ديالي لي هي التدوين وهي باش بديت اونلاين الا عجبك هادشي و كنتي اول مرة تقراه شاركو مع صحابك و خليهوم تاهوما يعرفو انه شعرك ساوي الثمن وتالواليد ديالك لي كايقوليك حسن ديك الغوفالة قوليه الواليد هادا راه راس المال وكايكبر هههه تهلاو الا ميعاد قادم

الموقع الأول

الموقع الثاني

متلازمة حرق الفم

10/19/2017

عروق عند الذكور فقط ام اثارة للإناث

9/30/2017

كل سوار وعندو قصة لي خاصك تعرفها

9/30/2017

الشريط الأحمر : فالثورة الفرنسية كانت النساء كادير هاد الشريط الاحمر حول الرقبة باش دير تحية للموتى لي تعدمو بالمفصلة فديك الوقت، هاد الشريط كايكون على شكل خيط ليكايتربط حول الرقبة ويعقد على شكل وردة، ولا كايدار خيط طويل على شكل X في الضهر.

الشريط الاسود : كان بان اول مرة في اللوحة الفنية ديال الرسام " ادوارد مانيت " ليكان رسم امرآة عارية لي رابطا ديك السوار الاسود على الرقبة ديالها وكاتجيبلها واحد الخادمة سوداء الورود وكان بغا يعبر على ان ديك المرأة هي غاتكون رمز العهر وتفشا هاد الرمز فديك العصر باش يدل على العاهرات ويسهل التمييز ديالهوم.

الشريط الشبكي الملون : نفس الشوكر نيكلاس ليكان كايتستعمل غي هاد النوع كان كايلبسوه السحاقيات باش كيفما نقولو يكونو مميزين عن باقي الاجناس الاخرى وليكاين كايحمل الالوان ديالهوم لي عندهوم فالراية ديال LGBT.

السوار الاسود الجلدي : كاين الشريط الاسود ليكايكون اما جلدي او بلاستيكي وليكايكون فيه خرسة او ثقب وهذا ليكايرتديوه النوع ديال البنات ليكايميلو للتعذيب فالعلاقات الجنسية ليكايتسماو " الساديات " ليكاتبغي اما التعذب هي او تمارس العنف والتعذيب على الطرف الاخر للوصول الى اللذة الجنسية ، وهادو ليتعرفو بارتدائهوم لهاد النوع من السوار بالخرس.

كاين بعض الاستعمالات الاخرى ليكانو النساء كايرتديو النوع الثاني الاسود المشبك وهوما ديك الجواري او ليكايخدمو فشي حاجة ليكاتخلي ليهم نذوب على مستوى الرقبة لذلك كايستعملو هاد السوار باش يخبيو ديك النذبة وماتبقاش تبان.

كل سوار عندو قصة ديالو خاصة قلبت مزيان باش نلقاهوم كاملين ولكن رغم ذلك ماكاينش معلومات كثيرة حول هاد الموضوع ، ولكن كاتوضح الصورة شويا وكانفهمو ان اي حاجة وراها سبب تصايب على حسابو ماخاصش بنادم يتبع القطيع في امور هو

كايجهل لاش دايرها اصلا ولا شنو زادت على الجسم ديالو.

Asexuality - اللاجنسيين

9/26/2016

مصطلح (Asexuality) حالة تاريخية لي اشترك فيها العديد من الاسماء لي صنعو

جزء من مجد الانسانية ، كايتطلق هاد الكلمة على اللاجنسيين لي يقدر يكون مابين صحابك ولا فرد من العائلة ديالك ولكن بحكم عدم المامنا بهاد المفهوم ماكانعرفوهمش و اللاجنسيية ماداخل فيها لا مشكل صحي ولا فيزيولوجي او ديني ، اللاجنسية ليكاندوي عليها هي توجه جنسي من نوع خاص واختيار ، يعني ملي كايدخل فيها احد الاسباب السالفة الذكر كاتكون انسان عادي ولكن ماقادرش ترتبط بالطرف الاخر ولاسباب ولكن فالداخل ديالك نتا باغي تعيش ديك الشعور عكس اللاجنسي .

هاد الفئة من الناس يرفضون نظرة الاخرين لهم على انهم يمتنعون عن الجنس لانهم يخافونه ، أو يتجنبون ممارسته لتعرضهم الى ظروف غيرت من طبيعتهم ، ولكن في حقيقتهم يرفضون الجنس حيت ماكايستمتعوش بيه ، وكايميلو اكثر الى الارتباط العاطفي، وهادشي لي كايخلينا نفكرو انه من الاسباب في حالات الطلاق راجعا الى لاجنسية احد الطرفين، حيت يقدر مايعرفش الشخص الحالة ديالو الا بعد انه يتزوج ويخوض ديك التجارب الجنسية المتكررة ومايقدرش يتعايش مع الشريك ديالو .

من جهة أخرى، يُؤمن اللاجنسيون بالحبّ «الأفلاطوني» أوالعذري، مما يدل على قدرتهم في نسج علاقة عاطفية، سواء كانت مع لاجنسيين مثلهم أو مغايرين (Hétérosexuels) أو حتى مثليين(Homosexuels)، كما تجدر الإشارة إلى أن نسبة كبيرة من المتحوّليين الجنسيين (Transgender) هم لاجنسيون.

و ينقسم اللاجنسيون إلى عدّة أصناف، نذكر منها:

* المغايرة–العاطفية(Heteroromantic): هي عكس المغايرة الجنسية التي يشعر فيها الفرد بانجذاب – جنسي – تجاه الجنس الآخر، بل في هذه الحالة يشعر بانجذاب عاطفي فحسب.
* المثلية–العاطفية(Homoromantic): عكس المثلية الجنسية.
* الثنائية–العاطفية(Biromantic): عكس الثنائية الجنسية(Bisexuality).
* اللاعاطفية(Aromantic): نقص الانجذاب، سواء جنسي أوعاطفي، تجاه أي جنس كان.

كايحكم المجتمع على اللاجنسيين انهم تبتلو ( مصطلح بتول يعني البنت العذراء او الذكر الذي لم يمارس الجنس بعد ) ، لكن الفرق بينهم وبين المتبتل ، هو ان المتبتل يشعر بالانجداب الجنسي ولكن كايروض النفس ديالو ، في حين ان اللاجنسي ماكايحسش اطلاقا بانجداب، وكاين ليكايشوف انه مرض حيت ماكايفرقش بين اللاجنسية والبرود الجنسي، وهنا ماخصكش تحكم على ديك الانسان انه بارد جنسيا حتى تعرف الحالة ديالو بالظبط .
نسبة اللاجنسيين فالنساء مايقارب 14%، و الرجال مايقارب 3% .
وهناك قائمة طويلة من اشهر اللاجنسيين منهم :
* ماتيو باري.
* ايميلي اوتم.
* فريديريك نيتشه.
* إيمانويل كانت.
* إسحاق نيوتن.
الراية ديال هاد الفئة متكونة من اللون ( الاسود، الرمادي، الابيض، البنفسجي )
الرمز ديالهوم اما دائرة سوداء او دائرة وخارج منها X على عكس رمز الذكر والانثى

♀

♂ .
تقريبا كلهوم كيفضلو يديرو خاتم اسود فاليد اليمنى غالبا يا إما في الاصبع الوسطى او البنصر.

ويبقى مفهوم اللاجنسية غير واضح في مدركات كثير من المجتمعات، واللاجنسيون مهمّشون في العالم ككلّ، لكن في نيويورك مثلا يعتبرون فئة محميّة قانونيًا، مع ذلك لا تجذب الرأي العام مثلما تفعل مجتمعات المثليين، الذين يرفضون اللاجنسيين ويعتبرونهم

في حالة تيّه لهويتهم الجنسية.

شعرك كايتباع ب 1000$ كيفاش تبيع شعرك وتربح فلوس

متلازمة حرق الفم

عروق عند الذكور فقط ام اثارة للإناث

كل سوار وعندو قصة لي خاصك تعرفها

Asexuality - اللاجنسيين

Follow Me

My Photos

المشاركات الشائعة

أرشيف المدونة الإلكترونية

Instagram